INZIRA NYAKURI YO KUGARURA UBUMWE N'UBWIYUNGE MU BANYARWANDA Alexandre Kimenyi

Muri iki gihe turi mu cyunamo twibuka ubwa gatanu itsembabwoko ryazanywe na HUTU POWER rikarimbura abatutsi barenze miliyoni hamwe n'abahutu batavuga rumwe n'abo bicanyi, byari bikwiye ko umunyarwanda wese urukunda yazirikana agasangira ibitekerezo bye hamwe n'abandi uburyo ubu bwanganyi buzenze kamere bwaranduka mu mitima y'ababufite kugirango ubumwe, ubwumvikane n'ubwiyunge bugaruke muri bene Gihanga. Si umwihariko w'abanyapolitiki n'abanyamadini gusa, byagombye kuba intego ya buri munyarwanda wese, kuko ntabwo dushobora kuruturanamo kandi nyine ari urwacu twese, hari agatsiko kamwe k'abaturage bashaka kurimbura abandi. Muri iyi nyandiko, ni cyo cyanzinduye ngo mbabwire inzira mbona dukwiye kunyuramo.
Namwe abafite ukundi mubibona, mwakwongeraho, nibinashaka impaka zikaba ndende ariko byanze bikunze iyi ntego tukayigeraho.Kuri jye rero mbona hakwiye ibintu bine by'ingenzi: (i) gushyiraho minisiteri y'itsembabwoko, (ii) guhabwa akazi ako ari ko kose hakurikijwe ubushobobozi n'urukundo rw'igihugu, (iii) guhana uwo ari we wese wishe amategeko ya Leta no (iv) n'uko abafite benewabo bishe bakwitandukanya nabo bakabavamo.

I. Gushyiraho minisiteri y'itsembabwoko

Ibyerekeye gushyiraho minisiteri y'itsembakwoko nabyanditse ku buryo burambuye mu kinyamateka nandika cyitwa WIHOGORA RWANDA mu numero yacyo ya 3 yo mu gihembwe cya kabiri cya 1997. Iyo nyandiko yaje no gusohoka burambuye mu kinyamateka nandika cyitwa WIHOGORA RWANDA mu numero yacyo ya 3 yo mu gihembwe cya kabiri cya 1997. Iyo nyandiko yaje no gusohoka mu binyamateka byo mu Rwanda ari byo Ingabo n'Ukuri. Muri iyo nyandiko, nderekana ko abarokotse itsembabwoko bakwiye byanze bikunze minisiteri y'umwihariko ibitayeho. Imfubyi ziracyari nyinshi zitagira kirera, zitagira kivuna. Abapfazi benshi ntibishoboye. Benshi mu barokotse baracyararaguza kubera ko inzu zabo interahamwe zazisenye, abandi bakaba batanagishobora no gusubira aho bari batuye mbere kubera ko mu turere twinshi nta mututsi n'umwe uhasigaye. Abenshi barahigwa bukware n'interahamwe kuko zidashaka ko bazishinja mu nkiko. Abahahamutse kubera ibyo baciyemo ni benshi ntibagira umubare. Ibibazo bireba abarokotse ntaho bihuriye n'iby'abandi banyarwanda.
Iyi minisiteri ishyizweho, abarokotse ni ho bagirira Leta icyizere ko koko ibitayeho. Byatuma ibibazo bibareba bamenya aho babibariza. Iyo minisiteri yaba ari yo ijya hanze kwifashisha ku zindi leta n'abandi bagiraneza kugirango ikibazo cy'itsembabwoko kirusheho kumenyekana. Ni yo yajya itegura icyunamo cya buri mwaka, ni yo yajya yubakisha ibimenyetso by' urwibutso rw'itsembabwoko mu gihugu cyose, ni yo yashingwa imfubyi n'abapfakazi, ni yo yakwita kuri abo bahahamutse, ni yo yakurikirana urwibutso rw'itsembabwoko mu gihugu cyose, ni yo yashingwa imfubyi n'abapfakazi, ni yo yakwita kuri abo bahahamutse, ni yo yakurikirana iby'umutungo, amatungo n'amasambu y'abishwe n'abarokotse n'ibindi byose bijyanye n'itsembabwoko.
N'ubwo Leta iriho ari yubashywe mu bihugu byinshi, si ukubera ikindi kindi, ni ukubera ko yashoboye gukuraho Leta nyicanyi, kandi ngo ikaba "yarahagaritse itsembabwoko!". Inkotanyi zahesheje u Rwanda ishema kubera ko zatsinze interahamwe n'abasirikare ba Habyarimana bari bamaze kworeka igihugu ntawe ubibafashijemo nk'uko bimeze muri Kosovo, aho Abanyamerika n'ibihugu by'i Burayi byohereje abasirikare babo gutabara Abalubania. Kandi abasirikare ba Habyarimana n'interahamwe bari bashyigikiwe banabifashijwemo n'ibihugu byinshi. Twebwe isi yanze kudutabara n'abasirikareba Loni babonye imirambo yuzuye igihugu cyose imivu y'amaraso itemba inzuzi n'imigenzi bireremba,ni bwo batekeye amabinga, bahambira utwabo, badusiga mu menyo y'impyisi, maze indengane zicwa urw'agashinyaguro.
Nta mpamvu rero mbona iyi minisiteri itashyirwaho. Ntabwo yatwara amafaranga menshi kubera ko za minisiteri zimwe na zimwe zifite amashami areba iby'itsembabwoko. Icyo nsaba rero ni uko ayo mashami ajya hamwe, agakora iyo minisiteri.Kandi nyine yari ikwiye kujyaho hakiri kare ibintuareba iby'itsembabwoko. Icyo nsaba rero ni uko ayo mashami ajya hamwe, agakora iyo minisiteri.Kandi nyine yari ikwiye kujyaho hakiri kare ibintu bitaribagirana kubera ko uko iminsi yicumye ni nako abantu bibagirwa, kandimu gihe gito hashobora no kujyaho Leta ishaka ko byose byibagirana, cyangwa
irimo abantu banze abatutsi.

II. Gutanga akazi ako ari ko kose hakurikijwe ubushobozi no gukunda igihugu

Kugirango ubumwe n'ubwiyunge bigaruke mu gihugu ni uko akazi ka Leta ako ari ko kose ari aka politiki cyangwa agasanzwe gatangwa hakurikijwe ubushobozi n'urukundo rw'igihugu hadakurikijwe ubwoko, uturere, amadini cyangwa igitsina. Ibyo gukunda igihugu n'abanyarwanda bose ni ngombwa kubera ko hari abantu baba bafite amashuri ahanitse n'akazi bagashoboye ariko kubera u Rwanda bafite mu nda, ibintu by'igihugu bakabyonona n'abavukarwanda bakaryamirwa. Umuntu nk'uwo rero ntiyari akwiye guhabwa akazi ka Leta. Icyo twese dushimira RPF n'abasirikare bayo RPA ni uko bamaze gutsinda intambara, bakirukana Leta y'amaraso, batikubiye ubutegetsi, ahubwo bagashyiraho Leta y'Ubumwe ikubiyemo amashyaka yose. Iyo ibishaka ntiba intambara, bakirukana Leta y'amaraso, batikubiye ubutegetsi, ahubwo bagashyiraho Leta y'Ubumwe ikubiyemo amashyaka yose. Iyo ibishaka ntiba yarasangiye ubutegetsi n'ayo mashyaka kandi ntibyari na ngombwa ko yubahiriza amasezerano y'ARUSHA kubera ko ntacyo yari akivuze kuko abo yari yasinyanye nabo ari yo MRND yari yatsinzwe ku rugamba imaze kumena amaraso mu gihugu.
Icyatangaje abantu cyakora kandi kikababaza na benshi ni uko n'ubwo abari bagize RPF hafi ya 90% ari abatutsi, imyanya y'ubutegetsi bukomeye bameze nk'abayitinye, bakayima abatutsi kandi harimo ababishoboye. Ndavuga nka Perezidansi, Minisiteri y'Intebe, Minisiteri y'Ububanyi n'Amahanga, Minisiteri y'Ubutegetsi bw'Igihugu n'ibindi.Ubu ejobundi mw'ihindagura ry'ubutegetsi riherutse ni bwo bwa mbere Minisitiri w'Ubutabera aba umututsi nabwo kubera ko abo bayihaye bose mbere batakoraga ibyo Leta yifuza cyangwa bakicikira bibye kandi bamaze no kurigisa amadosiye y'abicanyi.
Ntabwo byumvikana kugirango kuri iyi ngomba, umututsi ye kugira uburenganzira bwe bwose (civil and constitutional rights) mu gihugu cye kandi abana b'abatutsi benshi baritanze, ibihumbi n'ibihumbagiza bakemera kuba ibitambo ngo baruvane mu ngoyi rwarimo. Ikibabaje ni ko hanze,Leta y'Ubumwe iriho bayita "Leta Ntutsi".Interahamwe n'abandi banyarwanda bacengewemo ibitambo ngo baruvane mu ngoyi rwarimo. Ikibabaje ni ko hanze,Leta y'Ubumwe iriho bayita "Leta Ntutsi".Interahamwe n'abandi banyarwanda bacengewemo n'ibitekerezo bya Hutu Power bavuga ko ngo abahutu bari muri iyo myanya atari "abahutu nyakuri",ari abaja b'abatutsi! Ni bya bindi bavuga ngo "Uwoza inda y'umwanzi amara imongi". Ni byiza koko ko ubutegetsi bushimangira ubumwe bw'abanyarwanda, hakabaho nyine Leta y'Ubumwe ariko iyi politiki ibuza umututsi kuba Perezida w'Igihugu, Minisitiri w'Intebe, Minisitiri w'Ubutegetsi,ntabwo izazana ubumwe mu gihugu kubera ko umututsi abona adafite agaciro mu gihugu cye (citoyen de seconde zone/second class citizen) kandi ashaka kugikorera yaranakitangiye kandi yenda anabifitiye n'ubushobozi. Abategetsi icyo bakwiye gukora ni ukwumvisha abaturage bose ko umututsi
nawe ashobora kugirira igihugu akamaro kandi ko kuyobora igihugu nawe abishoboye.

III. Nta n'umwe wari ukwiye gusumba amategeko

Abantu bose bishe abantu ari rubanda rwa giseseka ari n'abategetsi, amategeko yari akwiye kubahana kimwe.Kubera gushaka gushyiraho Leta y'Ubumwe, byaragaragaye ko bamwe mu bategetsi bashyizweho inyuma amategeko yari akwiye kubahana kimwe.Kubera gushaka gushyiraho Leta y'Ubumwe, byaragaragaye ko bamwe mu bategetsi bashyizweho inyuma y'itsembabwoko nabo bafashe imipanga n'imihoro nk'abandi, cyangwa bahagarariye ubwicanyi. Habonetsemo ba minisitiri, ba depite, ba purefe,
ba burugumesitiri n'abandi. Ariko ubundi kugirango imyanya nk'iyi itangwe, hagomba kuba harabaye iperereza rihagije ku bagenewe iyo myanya. Ni ko no mu bindi bihugu bigenda.
Kubera ko abarokotse bari bazi aba bategetsi b'abicanyi kandi badashobora kubarega kuko ari bo bagombaga kuregaho, babuze uko babigenza, ababishoboye baracika kuko bari bazi ko abo bategetsi bazabicisha. Abandi bararuciye bararumira.
Hari abatinyutse cyakora barabavuga. Ikibi ni uko ntacyo byamaze, ugasanga abo batakamba babaseka ngo barahahamutse baravuga ibyo batazi, cyangwa ngo barababeshyera. Abo bategetsi b'abicanyi ni bo bagiye bima akazi abarokotse cyangwa bakakabirukanaho, bakagaha benewabo nabo bagize urugomo.
Nk'abo bategetsi bagiye bashyirwa mu majwi ntacyo Leta yakoze ngo irebe koko niba ibyo babavugaho ari ukuri cyangwa ari ibihimbano. Biragenda bigaragara cyakora ko abo bose batawe mu majwi byose ari ukuri. Leta yari koko niba ibyo babavugaho ari ukuri cyangwa ari ibihimbano. Biragenda bigaragara cyakora ko abo bose batawe mu majwi byose ari ukuri. Leta yari ikwiye kwihutira gukora dosiye kuri buri mutegetsi wese uvuzwe mw'itsembabwoko. Abavuga icyongereza ni bo babivuze ukuri ngo "Justice delayed is justice denied", ari byo kuvunga ngo "utinze kwumva akababaro kawe aba aguhemukiye". Icyari gikwiye rero ni uko igihe cyose umutegetsi avugwaho ibibi n'abantu benshi, yaba ahagaritswe mu mirimo ye, iperereza ryasanga ari umwere, akaba ari ho asubira ku mwanya we.

IV. Kwitandukanya n'abicanyi

Ntabwo ubumwe n'ubwiyunge bishobora kugaruka igihe hari abantu benshi bahishiriye abicanyi ngo kuko ari benewabo cyangwa inshuti zabo. Abishe ntabwo ari abafunze gusa, hari ibihumbi n'ibihumbagiza byigendera mu gihugu uko bishatse kubera ko badafite ubashinja. Mu duce twinshi tw'igihugu abatutsi baratsembwe, n'agasigaye ntigashobora kuvuga kuko kazi ko kataramuka.Aho ugiye hose iyo ubajije abantu ku musozi uti imiryango ya ba kanaka yishwe na nde, bagusubiza bavuga ko batabizi kubera ko ngo bari
bari mu rugendo cyangwa barwaye! Kuva aho itsembabwoko ryabereye naje mu ba kanaka yishwe na nde, bagusubiza bavuga ko batabizi kubera ko ngo bari bari mu rugendo cyangwa barwaye! Kuva aho itsembabwoko ryabereye naje mu Rwanda kabiri, mbaza aho amagufa y'umuryango wanjye, umuryango wa data, data wacu, bakuru banjye, bashiki banjye n'abana babo n'abandi aho yaba ari cyangwa uko bishwe n'ababishe, abaturage bose twari duturanye kandi bari n'inshuti, bakavuga ko batabizi, ngo kuko bo bari barwaye! Nkibaza ukuntu umusozi wose warwara mu mezi atatu yose bikanyobera.Abahutu bagize uruhare mw'itsembabwoko ni benshi cyane. Kugirango hapfe abantu barenze miriyoni ni ukuvuga ko byibura na none miriyoni yishe. Mwibuke ko umuntu aticwaga n'umuntu umwe, hari ubwo yicwaga n'abarenze icumi. Abana n'abagore ni bo bajyaga kuvumbura abantu aho bihishe. Abahutu banze kwica igihe cy'itsembabwoko nabo abenshi bishwe n'abahutu b'interahamwe.Abandi nabo bahungira mu gice cyari cyaragaruwe n'Inkotanyi. Kugirango ukwo kwiyunga twifuza gushoboke ni uko abahutu bose bari mu gihugu, bajya ku bategetsi ntawe urinze kubibibutsa cyangwa kubibahatira bagatanga amazina y'abantu bagize uruhare rw'ubwicanyi ku misozi yabo kuko babazi neza. Ibi biramutse bikozwe ni ho twamenya koko ko bamenye ko kwica umututsi ari ikintu kibi. Hagomba kuba igikorwa kigaragara cyemeza koko abahutu bari mu Rwanda igihe cy'itsembabwoko bitandukanije n'abicanyi n'ubwo baba ari ikintu kibi. Hagomba kuba igikorwa kigaragara cyemeza koko abahutu bari mu Rwanda igihe cy'itsembabwoko bitandukanije n'abicanyi n'ubwo baba ari benewabo. Na Leta ubwayo yari ikwiye kujya muri za komini no ku mirenge ibwira abaturage kuvuga abo bicanyi abo ari bo. Naho ubundi ibyo kujya gusa mu cyunamo cyangwa kwigisha ubumwe mu magambo bitajyanye n'ibikorwa, ni ukuvomera mu rutete. Muri make ng'ibyo ibitekerezo byanjye nkaba nizeye ko n'abandi bagira icyo babivugaho kandi na Leta ikaba nyine yabishyira mu bikorwa.

Iyi nyandiko nayanditse kera. Yanasohobotse mu binyamakuru bimwe byo mu Rwanda.